meri aakhi kitaab

MERI AKHRI KAHANI
kahani kuch ankahe palo ki
kahani kuch badsoorat lamho ki
kahani mere balatkaar ki
kahani meri maut ki
kahani meri ANTIM SANSKAR KI

Jindgi ke 25 saal gujar jane ke baad meri jindgi ab bhi mujhse naraj hai or meri saanse khamosh hone ko bekarar hain lekin fir bhi main aapko wo batana chahta hoon jo main apne aap ko bhi batane se darta hoon,


kya jingi baemaan ho sakti hai ?
kya kabhi khwaishe badhawas ho sakti hain ?
kya meri jindgi jeene ki hawas shant ho sakti hai ?
kya or sirf kya ,yahi hai sirf or sirf kya..................


Haatho me dard ki kaali syah lekar jab bhi maine kuch likhna chaha to main ye soch kar nahi likh paya ki main kya likh sakta hoon paar jab bhi maine apne dil ke kisi kone me jhaank kar dekha to mujhe laga ki shayad kuch to aisa hoga jo main likh sakta hoon............bahut der tak apni jindgi ke panne paltne ke baad maine dekha ki meri jindgi me dard, aansu, jakhm or beintaha kali raato ke siwa kuch bhi nahi hai .............aey mere khuda maine apni jindgi ke tamam panno ko in kali syah raato ke sive or kuch kyu nahi de diya par main ye bebas tanha insaan kya karata meri jindgi ne hi mujhe kuch karne ka mauka nahi diya.
Aaj main jab bhi apni dardnaak jindgi ke un pannao ko palat kar dekhta hoon to mujhe unme chipi apni haar or bebasi ke siwa kuch nahi dikhta , par fir bhi main kuch likhna chahata hoon .
To main aap sab sabko us waqt ke mod par le jata hoon jab main sirf ek aam insaan tha or main sirf yahi sochta tha ki main duniya ko jeet sakta hoon par kaise ye aapko tab pata chalega jab aap mujhe ye batane ke liye majboor karenge .....kyuki main un dino ko yaad karke fir se us dard ko nahi mehsoos karna chahat hoon .